Socialism [HBBC]

Socialism [HBBC]

Meet the members here.
Topic by Windswept dreams AKA Noor El-Terk.

Disclaimer: I'm not a socialist. Not a communist. And definitely not a capitalist. I'm a part of the society, part of capitalism, yes, but never was pro. A mere human being, can't I be?

A few days ago I tweeted that what I got from the concept of Socialism was that it's the opposite of Capitalism (don't worry, I'm the one who got it wrong).
Out of nowhere, I got this reply:


Then I came across this: "Capitalism and communism stand at opposite poles. Their essential difference is this: The communist, seeing the rich man and his fine home, says: 'No man should have so much.' The capitalist, seeing the same thing, says: 'All men should have as much.' "–Phelps Adams

So, I asked the person to explain more, I got this:


And finally, a nice definition of Capitalism:


I've been roaming all week long between websites about Capitalism, Communism and Socialism. To be honest, I'm all against any political or economical system, but unfortunately I have to know about anything, even bullshit systems.
So here we go:

• Capitalism: is generally defined as the economic system where the means of production are privately owned, operated for profit from investment, and in competitive markets.

• Communism: is a social, political and economic movement that aims at the establishment of a classless and stateless communist society structured upon common ownership of the means of production.

• Socialism: is an economic system in which the means of production are commonly owned and controlled cooperatively; or a political philosophy advocating such a system.
  

What makes the capitalist is the economic relationship between the people who work and the people who own the workplaces. Under capitalism those are two different groups. Under socialism they are one and the same.
We all know that Capitalist systems are the enslavement systems, which is why it's the dominating system globally.

Socialism, however, according to Karl Marx and Friedrich Engels: believed the consciousness of those who earn a wage or salary (the "working class" in the broadest Marxist sense) would be molded by their "conditions" of "wage-slavery", leading to a tendency to seek their freedom or "emancipation" by throwing off the capitalist ownership of society. Conditions determine consciousness and ending the role of the capitalist class leads eventually to a classless society in which the state would wither away.

Now I'm more confused than ever. I'll just go read the other perspectives!

خلط المفاهيم - HBBC

خلط المفاهيم - HBBC

الشِلّة

للعلم : الأعضاء النشطين اللي أسماؤهم بالبنط العريض

....يانهار مفاهيم مغلوطة

معلش إعذروني أنني مؤخراً أكتب بالعربية فقط و لكن كما قالت صديقتي إنجي "واضح إنك بتكتبي بالعربي لما تبقي مفروسة من حاجة".بس عامة أنا برضو بحاول أتعود أكتب بالعربي كتير عشان إن شاء الله أتحول لكتابة شعر بالعربية أو مقالات فكرية عن قريب.
أولاَ ، كلما أتذكر عبارة "خلط المفاهيم" بتذكّر فيديو قبيح نفسي يتشال من على يوتيوب أو حد يقول للناس إن الشخص (المُدّعي أنه شيخ) اللي فيه بيتكلم كلام لا عقلاني و جنوني.
" الليبرالية يعني أُمك متلبسش حجاب"...طب بالله عليكم لما حد يسمع جملة زي دي يقول إيه؟ فرضاً إنه حد بيحب الشيخ دا قوي و فرضاً إنه مؤمن بما يقوله الشيخ. أنا حزنت بجد ، الشيوخ أصبحوا بيستغلوا شهرتهم على حساب تطبيق ما يرونه صحيح ، و المصيــــبـــة الكبرى إن كل دا بيبقى باسم الدين. آه يا حسرة قلبي.
نظرية خلط المفاهيم لها علاقة شوية بنظرية التعميم- أو النمطية -بمعنى .. ممكن حد ييجي يقولك المسيحيين دول كفرة ؛ إزاي عرفت؟ في مسيحيين مؤمنيين بالأنبياء كلهم و مؤمنين بسيدنا محمد عليه الصلاة و السلام بس ببساطة شديدة مقتنعين بدينهم ، زي ما إحنا مسلمين و بنؤمن بالأنبياء و الرسل جميعاً بس إخترنا الإسلام. هي نظرية تعميم و خلط مفاهيم في نفس الوقت ، مش كُل مسيحي كافر و مش كُل كُفر معناه سوء أخلاق. على فكرة في ناس مش مؤمنة بس بتفكّر ، و في نفس الوقت في ناس مسلمة بس بتمشي وراء شيوخ عِمياني (اقرأ بداية المقال).
حاجة ثالثة ، إختلاف مفهوم ما عند شخص عن الآخر يقارب لإختلاف وجهات النظر في قضية ما من شخص لآخر ، بس الإختلاف هنا يأتي من جانب أن هذا المفهوم شيء مُسلّم به و لا تختلف القواميس و المعاجم على تعريفه. و لو لقيت شيخ أو شخص مرموق قام بتعريف مفهوم ما و قرأته في القواميس و وجدته شيء مختلف تماماً ، اعلم أن هذا الشخص مخطئ ، حتى لو كان عالِماً ، فلا يوجد إنسان معصوم من الأخطاء أو زلة اللسان.

مرة كنت بتفرج على برنامج على قناة الإخوان المسلمين - مصر 25 - و كانت السيدة الفاضلة بتتكلم في موضوع ، و في النص تطرّقت لِذكر السياسة و أشارت أنها ضد العلمانية ، ولكنها قالت "مش هنسيب مصر أبداً تبقى دولة عِلمانية"..ساعتها كان بقالي كذا يوم بتناقش مع زميلتي في الشغل (زميلة مثقفة و بثِق في رأيها كتير)على الفرق بين العِلمانية و العَلمانية و كيف أن العديد من الشيوخ و الشخصيات المرموقة و بدون ذكر أسماء ، كثيراً ما يختلط لديها المفهومين. العَلمانية يا حضرات و كلنا عارفين إنها فصل الدين عن سياسة الدولة ، و على فكرة العلمانية في فرنسا مثلاً تختلف عن العلمانية في بريطانيا و عن العلمانية في تركيا. فالعلمانية في فرنسا تعادي الدين بشكلٍ شرس ، أما في بريطانيا فالملكة هي رئيسة الكنيسة ، و في تركيا شكل ثالث خالص (مقتبس من مقالة لفهمي هويدي على بوابة الشروق) . أما في عصور بداية ظهور العَلمانية كان المصطلح غير كل دا برضه.
أما العِلمانية فهي عكس ما كانت تطبقه الكنيسة في أوروبا في العصور الوسطى (إتهام العلماء بالإلحاد إذا خرجوا عن فِكر الكنيسة) فالعِلمانية ببساطة هي ربط الدين بالدولة ( و يارب ماكونش بافتي!!) و مكتوب في ويكيبيديا إن العِلمانية تعتبر ديانة لوحدها اصلاً.

خلاصة الموضوع إن مصدر واحد للمعلومات مش كفاية عشان نبني فكرة معينة عن مفهوم ما ، و كما يقول المثل..متاخُدش المشكلة من طرف واحد ، اسمعها من طرفين ، و يا حبذا لو من ثلاثة كمان. فهقول لا تستعِن بمصدر واحد لبناء فكرة أو رأي ، اقرأ من مصادر كتير ، و ياريت تكوّن فكرة تحتوي كُل حاجة قرأتها ، متنحازش لحاجة واحدة و تقفل مخك بالجزمة. فكر شوية ، فكر كمان ، و إوعى تنسى إنك هتغلط ، بس المهم تدرك غلطتك و تفهم إن المفاهيم إللى في دماغك مش كلها صح. اللهم ارزقنا طولة البال.
و دمتم

عن الحرية المغلوطة

عن الحرية المغلوطة

أنا جاية أتكلم عن موضوع أعتقد إن ناس كتير هتعارضني فيه أو مش هتتفق مع وجهة نظري. بس عامةً أنا مش جاية هنا عشان أقنع حد ، لكم كل الحرية في الإختلاف مع وجهة نظري أو إبداء آرائكم الشخصية ، كله حلو منكم والله J الموضوع عن التحرش الجنسي ، بشكل غير مباشر شوية.

فاكرين من سنتين موضوع البنت التي تم التحرش فيها بشارع قريب من بيتها في الخليفة المأمون ، و استطاعت البنت الهرب ، بس ساعتها ناس كتير إختلفت آراءهم حول ما حدث؟ طبعاً الأهالي الكبار أو الناس المتشددة أو كده قالت ساعتها إن البنت راكبها الغلط من ساسها لرأسها و إنها يا نهار أزرق إزاي تلبس اللبس الفاجر اللي هي كانت لابساه دا ، على الرغم من أنني أتذكر جيداً إنها كانت لابسة لبس عادي جداً جداً مفيهوش أي حاجة بس الفكرة إنها مش محجبة ، و ممكن كانت جميلة شكلاً شوية فلفتت الأنظار أكثر (على الرغم من إن دا مش مبرر خالص و من إن مش دا اللي أنا عايزة أتكلم فيه).

الي عايزة أتكلم فيه و مضايقني من فترة بسبب أنني سمعت الموضوع من كذا حد ، إن البنات وجهة نظرها في الموضوع دا كالآتي: و الناس مالها؟ ماتلبس اللي هي عايزاه و المفروض الرجالة يغضوا البصر.

مش عارفة ، بصراحة أنا شايفة إننا كبنات بنضحك على نفسنا شويتين. فأولاً كدا ، لو هتقولي للناس كدا هتقولّك طب ما هو ياعيني مش لاقي يتجوز و دي غلطة المجتمع. أكيد إحنا هنعتبر التبرير دا تبرير فاشل جداً و مش منطقي. بس معلش ، مش برضو في التكوين الجسماني للبني آدم و هرموناته و شهواته ، مش كلنا عارفين إن الرغبة الشهوانية للرجال أكثر بكثير من النساء؟ بدليل إن حوادث الإغتصاب بتحصل من رجال مش من نساء.

حاجة تانية ، إنتي لو شايفة إنه المفروض يغضّ بصره و يتّقي ربنا..مش المفروض إنّك إنتي كمان تعملي اللي عليكي و تقدّري إن دي فعلاً حاجة صعبة على الرجال مش زي ما إنتي متخيلة؟ أنا يا جدعان مش بدافع بتاتاً-على الرغم من إنكم ممكن تفتكروا كدا- بس بجد أنا شايفة إن الحرية بحدود ؛ فا زي ما إنتي تعديتي حدودك و لبستي اللي يلفت نظره ، هوا هيتعدى حدوده و يجري وراء شهوته. و خلاصة الأمر إنني مقتنعة مئة بالمئة إن الحرية لا تعني شيئاً طالما آذت الآخرين و إستفزتهم لعمل حاجات مش كويسة. مفهوم الحرية عندنا مفهوم شخصي بس ، زي ما إنتي شايفة إنك حرة في لبسك (مع إنك بتجرحي الراجل اللي قدامك) هو برضو هيشوف إنه ليه حقّ يبصبص (مع إنه بيجرحك).

خلاصة القول ، الموضوع دا مشكلة من عند الطرفين ، إلا إذا كانت البنت-و اللي زي حالاتي و حالات كل صحابي و معارفي- لبسها عادي جداً و ممكن يوصل لعبايات كمان ، و لا زالت بتتعاكس ، فدا موضوع تاني تماماً مبغلّطش فيه البنت أكيد أكيد. و ربنا يهدي الجميع. و لنا الله.

فييل فري تو شير يور أوبينيون!

Stereotype [HBBC: 6]

Stereotype [HBBC: 6]

الموضوع دا من إختيار حضرتي...بما إنه معضلة في البلد الجميلة اللي إحنا فيها دي
للتعرف على بقية الشلّة اضغط هنا

ستيريوتايب باللغة العربية اللي هي النمطية ، أي كل فكرة لا علاقة لها بالفِكر بمعنى أصحّ. إمبارح و أنا و الشلّة قاعدين على تويتر دار بيننا حوار مثير للجدل و استمتعت به قوي بصراحة ، كان الحوار بين الستيريوتابس و الكليشيهات (بما إن الموضوع اللي قبل دا كان الكليشيهات) ، بعض الناس قالت إن المصطلحين قريبين من بعض قوي و يكادوا يكونوا واحد ، و البعض الآخر - زي حضرتي - شايف إن المصطلحين فيهم إختلاف ، ولو كان بسيط ، بس إلى حدٍ ما مرئي وواضح. أنا بالنسبالي الكليشيهات هي المبتذل من الكلام ؛ أي كل كلام أو فعل كان زمان حلو قوي و ليه طعمه ، بس من كُتر تكراره فقد المعنى و الإحساس بجماله.
أما الستيريوتايب و هي النمطية ، فهي ، من وجهة نظري ، عبارة عن كلمات معممة على الخلق كله ، وهي من رأيي نوع من أنواع الجهل و نظريات التعميم الخاطئة و التي تأتي لمجرد المقاوحة السخيفة.

أنا هجيب شوية أمثلة بقى عن النمطية و أتكلم عنها هنا :
1) الآيات الكريمة اللي الجنس الآخر بيرددها من غير تفكير و على حسب المصالح الشخصية و أولها "و اضربوهنّ" وإن من أزواجِكم و أولادكم عدواً لكم فاحذروهم" و ما إلى ذلك من آيات كتيرة قوي فاهمينها غلط و بنرددها و خلاص
2) الأحاديث الشريفة اللي برضو بنفسرها على مزاجنا و منها "النساء ناقصات عقل و دين".
3) الأقوال الكثيرة المترددة في المجتمع اللذيذ الجميل بتاعنا و هي لا تُعدّ و لا تحصى...أي و الله...إحنا شعوب بتحب العنصرية و التعميم على كل فئة من المجتمع ولو كانت أحسن مننا

طب هاحكي لكم موقف طريف ، ولكن مؤلم ، حصل في الشغل من فترة:
من ضمن الحكاوي اللي بتتحي وقت الفطار اللذيذ و الذي لا يخلوا من مناقشات جدلية تدعوا إلى الأفش و التنشنة و السخافة ، كنا بنتكلم عادي جداً على زميلتي اللي مبتحبش تبقى برة لما الدنيا تظلم ، و بتحب تقعد في البيت أكثر مما بتحب الخروج و كدا ، جِه مديري قال "أنا زمان كُنت شايف إن الست مترجعش البيت بعد الساعة سبعة" ، طبعاً كلنا رحنا باصينله كدا و اللي هوا...نعم؟؟ إزاي يعني؟ ما علينا أنا ماستغربتش قوي عشان أنا عارفة إن في رجالة كتير بتفكر كدا. بس الصاعقة اللي جت على نافوخنا كُلنا لم قال الكلمتين الجايين دول..سِكِت كدا شوية و راح قايل "و بعدين لو هنتكلم بالدين بقى و كدا...الآية بتقول وَقَرنَ في بُيوتِكنّ"...عايزين تعرفوا أنا قد إيه كنت شايطة ساعتها و عايزة أقوله والنبي بطّلو الجهل اللي فيكو دا بقى!!!! المهم رَُحت بصّاله كدا و قلت "معلش يا محمد أنا مش موافقة ، ولو هنتكلم بالمبدأ دا يبقى منشتغلش بقى...ولا إيه؟" راح طبعاً قايل لأ الشغل دا زي الفل و ضحك...كنت عايزة أقول لفظ قبيح ، بس سكتّ. يعني هوا بسلامة قدركو كدا ،عايزين الستات تنزل عشان الفلوس بس ، و عشان تقضي مصالح تهمكم ، و بعد كدا تفكروا في قال الله و قال الرسول؟ الله...هوا دا الدين بتاعنا و هوا دا تفكير الرجالة اللي بتصطنع التدين. بعدين بس بقى بلاش أتكلم عالإحصائيات اللي بتورينا الستات قد إيه مش واخدين حقهم في الشغل أصلاً ولا بياخدوا نُص الأتعاب.

أنا لاحظت إن معظم النمطيات اللي الناس بتستخدمها لها علاقة وثيقة جداً بالعنصرية سواءاً كانت ضد الدين أو الجنس الآخر أو اللون أو الحجم أو أو أو...اللي يقولّك مسيحي بس كويس ، و اللي تقولّك هوا أسمر بس قمور ، و اللي يقول المسلمين دول إرهابيين. كلها حاجات بتجيب أمراض نفسية و عقلية متعددة و أهمها الجهل

آخر حاجة عايزة أقولها عشان واضح إن الموضوع دا مالهوش نهاية و بصراحة ممكن أفقد هدوئي في النهاية. ممكن بس نفكّر شوية قبل ما نتكلم؟ ممكن نحطّ مشاعر الناس أولوية في حياتنا؟ عشان كلّنا بقينا متقمّصين دور العارف كل حاجة و مش عايز يعرف تاني. نبطّل جهل بقى..و ندّور و نبحث و نجيب أدلّة..و أديني بأوجّه الكلام لنفسي برضو... بطّلي جهل يا نعمة. و شكراً

بي.إس : البوست دا نمطي قوي