Stereotype [HBBC: 6]

الموضوع دا من إختيار حضرتي...بما إنه معضلة في البلد الجميلة اللي إحنا فيها دي
للتعرف على بقية الشلّة اضغط هنا

ستيريوتايب باللغة العربية اللي هي النمطية ، أي كل فكرة لا علاقة لها بالفِكر بمعنى أصحّ. إمبارح و أنا و الشلّة قاعدين على تويتر دار بيننا حوار مثير للجدل و استمتعت به قوي بصراحة ، كان الحوار بين الستيريوتابس و الكليشيهات (بما إن الموضوع اللي قبل دا كان الكليشيهات) ، بعض الناس قالت إن المصطلحين قريبين من بعض قوي و يكادوا يكونوا واحد ، و البعض الآخر - زي حضرتي - شايف إن المصطلحين فيهم إختلاف ، ولو كان بسيط ، بس إلى حدٍ ما مرئي وواضح. أنا بالنسبالي الكليشيهات هي المبتذل من الكلام ؛ أي كل كلام أو فعل كان زمان حلو قوي و ليه طعمه ، بس من كُتر تكراره فقد المعنى و الإحساس بجماله.
أما الستيريوتايب و هي النمطية ، فهي ، من وجهة نظري ، عبارة عن كلمات معممة على الخلق كله ، وهي من رأيي نوع من أنواع الجهل و نظريات التعميم الخاطئة و التي تأتي لمجرد المقاوحة السخيفة.

أنا هجيب شوية أمثلة بقى عن النمطية و أتكلم عنها هنا :
1) الآيات الكريمة اللي الجنس الآخر بيرددها من غير تفكير و على حسب المصالح الشخصية و أولها "و اضربوهنّ" وإن من أزواجِكم و أولادكم عدواً لكم فاحذروهم" و ما إلى ذلك من آيات كتيرة قوي فاهمينها غلط و بنرددها و خلاص
2) الأحاديث الشريفة اللي برضو بنفسرها على مزاجنا و منها "النساء ناقصات عقل و دين".
3) الأقوال الكثيرة المترددة في المجتمع اللذيذ الجميل بتاعنا و هي لا تُعدّ و لا تحصى...أي و الله...إحنا شعوب بتحب العنصرية و التعميم على كل فئة من المجتمع ولو كانت أحسن مننا

طب هاحكي لكم موقف طريف ، ولكن مؤلم ، حصل في الشغل من فترة:
من ضمن الحكاوي اللي بتتحي وقت الفطار اللذيذ و الذي لا يخلوا من مناقشات جدلية تدعوا إلى الأفش و التنشنة و السخافة ، كنا بنتكلم عادي جداً على زميلتي اللي مبتحبش تبقى برة لما الدنيا تظلم ، و بتحب تقعد في البيت أكثر مما بتحب الخروج و كدا ، جِه مديري قال "أنا زمان كُنت شايف إن الست مترجعش البيت بعد الساعة سبعة" ، طبعاً كلنا رحنا باصينله كدا و اللي هوا...نعم؟؟ إزاي يعني؟ ما علينا أنا ماستغربتش قوي عشان أنا عارفة إن في رجالة كتير بتفكر كدا. بس الصاعقة اللي جت على نافوخنا كُلنا لم قال الكلمتين الجايين دول..سِكِت كدا شوية و راح قايل "و بعدين لو هنتكلم بالدين بقى و كدا...الآية بتقول وَقَرنَ في بُيوتِكنّ"...عايزين تعرفوا أنا قد إيه كنت شايطة ساعتها و عايزة أقوله والنبي بطّلو الجهل اللي فيكو دا بقى!!!! المهم رَُحت بصّاله كدا و قلت "معلش يا محمد أنا مش موافقة ، ولو هنتكلم بالمبدأ دا يبقى منشتغلش بقى...ولا إيه؟" راح طبعاً قايل لأ الشغل دا زي الفل و ضحك...كنت عايزة أقول لفظ قبيح ، بس سكتّ. يعني هوا بسلامة قدركو كدا ،عايزين الستات تنزل عشان الفلوس بس ، و عشان تقضي مصالح تهمكم ، و بعد كدا تفكروا في قال الله و قال الرسول؟ الله...هوا دا الدين بتاعنا و هوا دا تفكير الرجالة اللي بتصطنع التدين. بعدين بس بقى بلاش أتكلم عالإحصائيات اللي بتورينا الستات قد إيه مش واخدين حقهم في الشغل أصلاً ولا بياخدوا نُص الأتعاب.

أنا لاحظت إن معظم النمطيات اللي الناس بتستخدمها لها علاقة وثيقة جداً بالعنصرية سواءاً كانت ضد الدين أو الجنس الآخر أو اللون أو الحجم أو أو أو...اللي يقولّك مسيحي بس كويس ، و اللي تقولّك هوا أسمر بس قمور ، و اللي يقول المسلمين دول إرهابيين. كلها حاجات بتجيب أمراض نفسية و عقلية متعددة و أهمها الجهل

آخر حاجة عايزة أقولها عشان واضح إن الموضوع دا مالهوش نهاية و بصراحة ممكن أفقد هدوئي في النهاية. ممكن بس نفكّر شوية قبل ما نتكلم؟ ممكن نحطّ مشاعر الناس أولوية في حياتنا؟ عشان كلّنا بقينا متقمّصين دور العارف كل حاجة و مش عايز يعرف تاني. نبطّل جهل بقى..و ندّور و نبحث و نجيب أدلّة..و أديني بأوجّه الكلام لنفسي برضو... بطّلي جهل يا نعمة. و شكراً

بي.إس : البوست دا نمطي قوي

8 comments:

ibhog | October 7, 2011 at 6:29 PM

I personally have issues with women staying out late at night. My sisters worry the hell out of me when they do it. Some errands are important of course, and .. well, akeed not to 7 pm ya3ny. I don't have a specific figure in mind in fact!

As for working women, this is a very huge topic, no one can generalize hena and it's stupid to do that. One thing I know though, is that there's a reason it's controversial, and at times it's very valid.

Hmm .. this is interesting, quite different from what I had in mind regarding our topic.

Let's hope I get inspired and write something!

Noor | October 7, 2011 at 9:54 PM

I love your passion regarding this, and to think you almost didn't write.
Stereotypes are soooo annoying. What seriously annoys me is the asmar bs 2ammor. Bgad? Y3ni ppl with darker complexions aren't good looking. Meh!!! Argh!

I love your posts bil 3ammeya there's so much more to them. And your boss. Good you didn't snap at him. <.<

Ze2red | October 7, 2011 at 10:19 PM

and it turns out that what you addressed here is just the tip of an iceberg. There is so much more to the topic, and i guess it's one of the most controversial topics on our list.

i'll have to admit i won't be able to handle writing about this topic because simply at times i use some of the most popular stereotypes. Therefore i choose not to preach about something i didn't master not to do yet.

Let's hope we stop using them soon. And i'll try my best to be the first to stop :)

Nema | October 8, 2011 at 2:16 AM

@Ibhog I'm not saying late till midnight ya3ni ya Ibraheem, I meant like 10 or sth isn't fa7esha ya3ni..
Yes I agree women working issue is controversial and it can lead to huge debates :D Thank you and I really hope I can read your view about this :)

@Noor thanks sweetie. Yeah I love my 3ammeyya posts too lol, I can freely express myself more than anything else!

@Ze2red yes while writing I thought to myself "wtf this topic is much more huge than I thought" lol. I can be a stereotype girl too, don't worry :) we all have that within us somehow..

ibhog | October 8, 2011 at 11:49 AM

I think 10 pm nowadays is very close to 7 pm zaman :)

The point is, stereotypes were once a valid set of judgments, but I believe they just failed to evolve.

Also, one interesting matter is that most of discussions regarding stereotypes are really about religion more than anything else; our society have a very strong, but complicated relationship with religion.

Ze2red | October 8, 2011 at 3:59 PM

ya ret-ha complicated, it's more of a complex relationship with religion. People want deep down in their hearts to be the best when it comes to practicing religion, but when the rules are holding them back from their desires they start, mmm, having a change of heart about whatever they used to do or say. It comes down to "جهاد النفس والشهوات", and stopping the notion of generalizing, because one thing that fits me is not guaranteed to fit you, wala eh?

Nema | October 8, 2011 at 11:06 PM

@Ibhog yes lol, especially in Ramadan y'know.
I do agree with both of you, like I said bardo, it's almost all the time related to racism and discrimination, be it of any type.

Okay, this topic is really interesting! :D

FAITH | October 12, 2011 at 6:32 PM

بوست عجيب! :D

Post a Comment