حبة حبشتكانات

أنا بس هسأل شوية أسئلة محيراني...و مش هحطلها إجابات حتى ، بس لو قدرتوا تفكروا فيها معايا يبقى كتّر خيركوا..

  • المفروض إن الواحد ميسكتش على المحتل الأجنبي...فا مابالكوا بالمحتل الوطني بقى؟؟ اللي مننا فينا؟

  • الشعب كله يطالب بالديمقراطية ، بس في نفس الوقت مبيحاسبش نفسه على ديكتاتوريته...تقريباً كده الناس فاكره إن الديكتاتورية هي ضرب و خلاص. نسينا فرض الرأي و عدم إحترام الرأي الآخر. نسينا رفض أي تعليق أو نقد من الخارج.

  • إحنا إزاي عندنا بلاهة و بلادة و قلة تقدير للكلام اللي بنقولوا دا؟ إزاي مثلاً تروح تقول لشخص "ربنا هيحاسبك عاللي عملته" ؟ دا على أساس إن دا هيخلي ركبه تخبط في بعضها؟ دا على أساس إنك عارف أصلا يعني إيه ربنا هايحاسبه؟ و بتتكلم على أساس إن و يعني إيه إن شخص يستغل شهرته في إنه يالجملة دي عادي حاجة كده في الحياة اليومية؟

  • هو يعني إيه "حرام" ؟ و "واجب شرعي" ؟ و يعني إيه إن شخص يستغل شهرته في إنه يتكلم كلام الناس تمشي عليه من غير ما ياخد باله إن دي مصيبة في حد ذاتها

  • إحنا إزاي بقينا نتكلم في أطنان براميل بترول و ثروات تقدر بمليارات الدولارات بالسهولة دي؟ إزاي دي حاجة بقت بتضحك أوي كده؟ إنها لكارثة...

  • إحنا إمتى ابتدينا منحسّش ببعض بالطريقة الصعبة دي؟ بزعل أوي أوي بجد لما حد يقوللي "أنا النهاردة حصل لي الموقف الفلاني و فهمت إنتي قصدك إيه" ياسلام؟

(أنا كمان بعمل كده عامةً...متفكروش إني بستعبط)


أسئلة كثيرة و الإجابة في جعبة الحياة :D


0 comments:

Post a Comment